a3z-as7ab

a3z-as7ab
 
الرئيسيةالبوابةاليوميةس .و .جالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» صور حرف M و S
السبت أكتوبر 13, 2012 9:45 am من طرف يارا يوكي

» نصائح للبنات عشان تخلي ولد يعجب بيكي
الأحد مايو 01, 2011 2:15 pm من طرف romita

» البوم صور حمادة هلال,احدث صور حماده هلال
الأحد مايو 01, 2011 2:10 pm من طرف romita

» السيره الذاتيه لحماده هلال
الأحد مايو 01, 2011 1:57 pm من طرف romita

» موال نادر لعاصي الحلاني
الأحد مايو 01, 2011 1:18 pm من طرف romita

» كلمات انجلش رقيقة
الأربعاء سبتمبر 22, 2010 10:44 pm من طرف aya el prensesa

» هل انت انسان مذهل ..مما اعجبني
الجمعة مايو 14, 2010 9:37 am من طرف sweet zizou

» هل البعيد عن العين بعيد عن القلب ؟
الجمعة مايو 14, 2010 9:36 am من طرف sweet zizou

» بانفـراد تامر حسني
الجمعة أبريل 23, 2010 4:38 am من طرف sweet zizou

أفضل 10 أعضاء في هذا المنتدى
sweet shimo
 
sweet zizou
 
ندى
 
Dalo3a றasrya
 
malak ro7y
 
ملاك النيل
 
meno coool
 
aya el prensesa
 
برنسيسه شقيه
 
lolocool
 

شاطر | 
 

 الحلقة الاول فى الفصل الثانى من(قصة انسان)

اذهب الى الأسفل 
كاتب الموضوعرسالة
ندى
مزيكاتي كوووول
مزيكاتي كوووول
avatar

انثى
عدد المساهمات : 564

تاريخ الميلاد : 08/04/1996
العمر : 21
العمل/الترفيه : عضوة فى اعز اصحاب
المزاج : مبسوطة
جنسيتك : مصريه
نقاط : 708
تاريخ التسجيل : 26/07/2009

مُساهمةموضوع: الحلقة الاول فى الفصل الثانى من(قصة انسان)   السبت فبراير 27, 2010 11:18 am

خرج ادم من غرفته صباحا ... وقبل الخروج من المنزل وكعادته – الجديدة – نظر إلي المرآة بجوار الباب ليتأكد من وضع رابطة عنقه .. التي يهتم بها .. وبأن يشتري منها ومن ألوانها ما يتناسب و حلته التي يرتديها ..
والتى اشتري عددا منها من اجل العمل الذى التحق به بعد ان أنهي دراسته الجامعية ..
علي البرغم من انه كان الاول على دفعته .. إلا أنه لم يقبل بالتعيين كمعيد فى الكلية ... متحديا رغبة والدته .. ومغيرا الطريق الذي كان مرسوما له ..
عمل آدم في شركة خاصة ... عمل مرهق مقابل مرتب مجزيء .. هذا هو الحال .. لكنه اراد خوض المجال الذي اراد .ز لا الذي اراده الاخرون ..
يشعر بخصوصيته في هذا العمل .. صحيح أن الغرفة يشاركه بها ثلاث من الزملاء .. إلا أن مكتبه الواقع في احد الاركان .. يشعره بشيء من الخصوصية ..
وصل في موعده كعادته .. وجد زميلته بالمكتب .. الآنسه شيماء قد وصلت هي ايضا .. وقد كان من الغريب أن يراها تأتي في موعدها ..
" صباح الخير يا شيماء "
" صباح الـ ..... "
معلش لازم اعرفكم على نفسى
انا شيماء زميلة ادم فى الشغل
عمرى 26 سنه وابلغ من الطول حوالى 160 سم
شعرى كستنائي ومش طويل اوي ... ومش متجوزة ولا مخطوبة .
ايه ده .. ايه اللى انا بقوله ده ... معلش معلش اصل نفسى اتجوز اوى والله انا حلوة بس اعمل ايه بقي .. يالا اديني مستنية قطر الجواز .. يووه .. خلينا فى القصه احسن
انا زميلة ادم فى الشغل وهو شاب كويس بس فى حاجة جواه مخلياه مش متقبلنى اوى
ولا عايز يحبني ولا حتي يبص لي .. رغم ان انا حبيته مع انه اصغر منى
تاااانى .. يووه .. انا هسكت احسن
---
معلش هى شيماء كده علطول عمرها لسانها واقع منها بس طيبة تعالوا نرجع للقصة
------
" صباح النور يا ادم .. اخبارك ايه النهاردة ؟ "

" انا الحمد لله كويس بس خير .. انتى جايه بدرى ليه النهاردة ؟! .... اول مرة تعمليها "

فتتوتر شيماء ثم تقول لادم بصوت مخطوف ....
" لا عادي يعني بس صحيت بدرى قلت انزل اروح الشغل احسن .. حتى هنا فى نت اقعد اتسلى شوية .. "
نظر اليها ادم فى تعجب
" امممممم ... اوعى تكونى انتى كمان مشتركة فى الفيس بوك اللى بيقولوا عليه ده ؟ "
" اكيد يا ادم انت بتقول ايه طبعا مشتركة فيه ... دى كل مصر عليه واكيد انت كمان .... الا صحيح هات ايميلك علشان اضيفك عليه ونتكلم هناك .. وكمان ابعت لك ابليكيشن بتاعت اللعبة الجديدة "
رد ادم وهو يجلس على مقعده الدوار المريح
" لعبة !! .. عامة انا كنت فكرت ادخل عليه بس مع الوقت غيرت رأيي اصلي حسيت انه بتاع الفاضيين التافهيين "
أتم ادم جملته وهو يوليها ظهره ضاغطا على زر حاسوبه ليبدأ عمله ..
تضايقت شيماء من قوله فردت محاولة كتم غيظها ..
" يعنى انا تافه يا ادم ؟؟ طب ربنا يسامحك ياعم العبقرى "
وعلى انغام الشد والجذب اليومي المعتاد .. دخل احمد زميلهما فى العمل ..
شاب طويل القامة .. له بنية مميزة .. مجتهد فى عمله ولكن لا يحب زمائله فى العمل .. ويريد اخذ كل شئ لنفسه .. يحب المنافسة في العمل .. التي قد تصل لحد .... الصراع
" طب بالذمة الواحد يدخل يقول لكم ايه ؟؟ صباح الخير مثلا ؟؟؟ ايه يا جماعة هو انا كل ما اجى القيكم عمالين تتخانقوا .. ولا اكنكم مولودين فوق روس بعض "
قالها احمد وهو على باب الغرفة يشاهد المشهد اليومي للثنائي ادم وشيماء اللذان لا يمر يوم دون أن يكون هناك شد وجذب وشجار كما لو كانا طفلين ..
رد ادم وهو يبتسم ابتسامة زادت من غيظ شيماء ..
" معلش بقى يا ابو حميد اصل فى ناس مش وراها حاجة غير اللعب بس هههههه "

" والله يا ادم انا مش هرد عليك ومش هكلمك تانى .. "
كانت تلك كلمات شيماء قبل أن تقوم عن مقعدها بشدة وتضرب بقبضتها علي مكتبها ..
" انا هاروح اجيبب نسكافيه احسن اه يهديني بدل الكلام اللي يفور الدم ع الصبح "
فضحك احمد وادم ثم قال احمد لادم
" يابنى ما تريح البنت دى بقى .. انت مش شايف هى بتحبك ازاى و هاتموت نفسها عليك .. وبعدين حتي دي أمورة يعني .. "
رد ادم في انفعال بسبب ما قاله احمد ...
" بقى يا احمد هى بتحبنى انا بس ولا بتحب الشعب المصرى كله ؟؟!! يا عم انت مش بتشوف كل ما يجى عميل تقعد تسبله ازاي ... وغير كده انا مش بفكر احب اصلا لانهم كلهم زى بعض "
" كلهم زي بعض !! ااه شكلك عندك عقدة قديمة يا حبيبي "
" لا ولا عقدة ولا حاجة .. انت اصلك متعرفش حاجه يا احمد خلينى ساكت احسن "
" يابني فكها انت بس .. وبعدين يعني انت لسا بتقول في الدنيا يا هادي .. يعني ياما هاتشوف .. فكها يابني فكها ..."
--------
وعلى جانب اخر وفى المنزل
دخلت الام على والد ادم وقد اعدت له طعام الافطار واتت به لغرفتهما ..
" يالا ياعبده الفطار "
قالتها تحمل معها ابتسامة خفيفة ..
رد عليها زوجها وهو يضع الجريدة من يده ليأخذ منها ما تحمل ..
" ايه ده جايبه الفطار بنفسك وكمان لحد هنا .. ايه الهنا اللى انا فيه ده هههه "
" هههه اوعي تاخد علي كده .. يالا بقي اعمل ايه ما منى نايمة ... وتعبانة من امبارح فقلت اسيبها نايمة واعمل انا الفطار علشان كمان عاوزاك فى موضوع كده "
" موضوع ! موضوع ايه يا ام ادم .. خير "
هكذا قالها باهتمام وهو يلتفت إليها بانتباه
" خير ان شاء الله ... طبعا انت عارف ان ادم مارضيش يتعين معيد فى الكلية .. وراح اشتغل فى شركة هى اه كويسة وكبيرة بس مش زى الكلية يعني .. واحنا سبناه يعمل الي عايزه "

" اه .. وبعدين "

" امبارح لما كنت في بيت الدكتور شاكر بعزم مراته علي خطوبة مني .. جه الدكتور شاكر واحنا قاعدين .. واتكلم معايا في انه مستغرب من تصرف ادم .. وان ازاى ادم يرفض فرصة زى دى .. وقالى نحاول نقنعه .. و هو هايحاول يساعده ويخلى العميد يقبل اعتذاره "

" والله الدكتور شاكر دا اصيل وفيه الخير ... "
ثم سكت اخذ يفكر فيما قالته زوجته
" ها رأيك ايه يا عبد السلام ؟ "
" مش عارف اقولك ايه ... بس انا فعلا مش عاجبنى حال ادم خالص الفترة اللى فاتت .. وانتي عارفة ادم كمان كتوم حبتين وكلامه قليل .. ولما ابراهيم جه قلت يمكن يتغير شوية وينصلح حاله.. بس انشغلنا بيه هو منى وموضوع خطوبتهم "
تبادل كلاهما الصمت قليلا .. إلي أن قطعه والد ادم قائلا ..
" بس لازم اتكلم مع ادم واعرف هو ماله ..... يمكن في مشكلة واحنا مش عارفين .. "
---------

دخل احد العملاء إلى مكتب المدير ..

" صباح الخير .. "
" صباح النور ..اتفضل حضرتك استريح "
" شكرا يا استاذ جمال ... انا قريت الملف اللي بعتوه مع المندوب .. وكنت عايز اعرف هاننسق ازاي الشغل .. علشان محتاج الاول اشوف ايه العروض اللي هاتقدموها بالنسبة للحاجات اللي هاحتاجها لشركتي "
تمهل جمال فى رده ... واسبق كلامه بابتسامة تملؤها الثقة ..
" ما تقلقش يا فندم .. كل اللي محتاجه لشركتك هاتلاقيه .. وعامة حالا هايجي ويقعد مع حضرتك ادم .. اللي هايقدم لحضرتك العروض المناسبة لطلبات شركتك "
ثم رفع سماعة الهاتف الداخلى
" ايوه يا ايمان خلي ادم يجيلي المكتب حالا "
وماهي الا لحظات ..
" تك .. تك .. تك "
" ادخل "
" ادم جه يا فندم زي ماحضرتك طلبت "
" طيب خليه يدخل يا ايمان "
دخل ادم وعلي وجهه ابتسامة الاعجاب التي دائما ماتعلو وجهه حين يري مديره الاستاذ جمال
" صباح الخير يا استاذ جمال "
.......
انا جمال مدير ادم فى الشغل
شغلى هو اول واهم حاجة في حياتي وبعده اسرتى واي حاجة تانية ..
وانا شايف ان دا سر تفوقى في الشغل واني وصلت للمرتبة دى فى وقت قصير جدا ...
بشوف فى ادم نفسى وانا في شبابي .. حماسه وتركيزه وحبه للعمل ...
...
" صباح النور يا ادم .. بص بقى ... انا عاوزك تشرح لاستاذ توفيق العروض المناسبة لاحتياجات شركته وتديله كل التفاصيل .. "
" حاضر يا فندم تحت امرك "
هكذا رد ادم بعد ان قام توفيق من مجلسه
" اتفضل يا استاذ توفيق وفي المكتب هاشرح لحضرتك كل حاجة واعرض علي حضرتك كمان احدث البرامج اللي عملناها واللي ممكن تفيد الشركة عن حضرتك بشكل كبير "

رد توفيق بابتسامة وسبق ادم في الخروج من غرفة المدير

جذب جمال ادم من ذراعه قائلا له بصوت خفيض
" ادم .. استاذ توفيق دا من اهم واكبر العملاء اللى ممكن تشوفهم فى حياتك عاوزك تتساهل معاه وتريحه على الاخر .. احنا هانكسب كتير لو واحد زيه بقي عميل عندنا "

رد ادم في هدوء واثق ..
" حاضر يا استاذ جمال "
اجاب جمال بنفس الابتسامة الواثقة
" وانا متأكد اني احسنت الاختيار "

اطربت هذه الجملة اذن ادم ..
" ان شاء الله يا فندم . طيب يا فندم بعد اذن حضرتك "
----------
وفى البيت
تكرر الاتصال علي هاتف مني .. لكنها لم ترد... مازالت نائمة
دخلت عليها امها لتوقظها
افاقت منى من نومها و كأنها كانت فى غيبوبة .. نظرت الى امها وهى تتثاءب
" ايوه يا ماما فى حاجة .. "
" يابنتى قومي بقي الضهر اذن .. وانتى لسه نايمة "
" معليش يا ماما انتى عارفة انى تعبانه من امبارح بسبب الجو "
" ايوه يا بنتى عارفه بس برضو مش كده قومي بقي .. وبعدين شوفى تلفونك رن يجي عشر مرات "
هبت من جالسة علي فراشها ..
" ايه ..!! عشر مرات "
فالتقطت هاتفها لتجد المتصل ابراهيم
" مش تصحينى من بدرى يا ماما ده ابراهيم هو اللى كان بيتصل "
" شوف البت .. ياناس دى اللى كانت تعبانة دلوقتى وعاوزة تنام تانى .. "
ثم اتبعتها بنظرة وابتسامة ساخرة تحمل في طياتها " ان يقطع الحب وسنينه "
ثم قالت منى وقد احمر وجهها
" ايه يا ماما بقي "

" ههههه طيب يا منى انا هروح اشوف المية اللى على النار وانتى خلصى وتعالى علشان خلتك جاية انهارده علشان العزومة .. قومي معايا في المطبخ بقي "
" حاضر يا ماما "
قالتها وهى تتصل بابراهيم
" كل ده يا منى !! اوعى تقليلى كل ده كنتى نايمة "
" معلش والله .. بس فعلا يا ابراهيم والله كنت نايمة .. مش عارفه فى ايه اللى حصل من امبارح وانا حاسه بتعب فظيع شكلى كده جالى برد بسبب جو امبارح "
" الف سلامة عليى يا منى بعد الشر عنك .. المهم انتى عاملة ايه ؟ "
" انا الحمد لله كويسة انت اخبارك ايه ؟ "
" انا كويس طول مانتى كويسة .. "
تبسمت منى من تلك الكلمات المعبرة ..
" ايه الدوشة اللي جواليك دي يا ابراهيم هو انت مش في البيت ؟ "
" لا انا فى مشوار كده هبقى اقولك عليه بعدين بس ادعى ربنا يوفقنى فيه "
" ان شاء الله يا ابراهيم ربنا يوفقك .. طيب معلش انا هقفل بقى علشان ماما بتنادى عليا "
" طيب يا منى مع السلامة "
" الله يسلمك يا ابراهيم "
ارتاحت منى لسماع صوت ابراهيم .. قامت من فراشها وقد بدأ النشاط يظهر عليها .. قامت بصلاة الظهر ثم ذهبت لمساعدة امها في المطبخ ..
----------
وبعد قليل فى عند ادم فى العمل
انهى ادم شرحه للعميل بشكل ابهر العميل
وكان قد قرب وقت الانتهاء من العمل .. اخذ ادم يرتب اوراقه ومكتبه .. الي ان سمع صوتا من خارج الغرفة ..
" لو سمحت هو فين مكتب استاذ ادم ؟؟ "
"هو المكتب ده "
فيدخل السائل وينظر ادم ليجد
مين ....
الرجوع الى أعلى الصفحة اذهب الى الأسفل
sweet shimo
مشرف
مشرف
avatar

انثى
عدد المساهمات : 1065

تاريخ الميلاد : 12/04/1994
العمر : 23
الموقع : في بيتنا
العمل/الترفيه : سماع أغاني تامر حسني
المزاج : كوووووووول
جنسيتك : مصريه
لونك المفضل : زهري
مطربك المفضل : تامر حسني
شرابك المفضل : بيبسي
نقاط : 1391
تاريخ التسجيل : 22/01/2009

مُساهمةموضوع: رد: الحلقة الاول فى الفصل الثانى من(قصة انسان)   السبت فبراير 27, 2010 2:29 pm

مين؟؟؟؟؟؟؟؟؟؟؟
بس ايه البت شيماء دي
مش عارفة بتقول ايه ورغاية كده ليه
بس ناااااايس القصة اوي
الرجوع الى أعلى الصفحة اذهب الى الأسفل
ندى
مزيكاتي كوووول
مزيكاتي كوووول
avatar

انثى
عدد المساهمات : 564

تاريخ الميلاد : 08/04/1996
العمر : 21
العمل/الترفيه : عضوة فى اعز اصحاب
المزاج : مبسوطة
جنسيتك : مصريه
نقاط : 708
تاريخ التسجيل : 26/07/2009

مُساهمةموضوع: رد: الحلقة الاول فى الفصل الثانى من(قصة انسان)   الأحد فبراير 28, 2010 11:15 am

ميرسى اوى على مرورك يا قمر وطبعا لازم ميتقبهاش الولد معذور
الرجوع الى أعلى الصفحة اذهب الى الأسفل
sweet zizou
مزيكاتي كوووول
مزيكاتي كوووول
avatar

ذكر
عدد المساهمات : 590

تاريخ الميلاد : 22/07/1992
العمر : 25
العمل/الترفيه : مش فاضي خالص
المزاج : مشغول بسبب الدراسة
جنسيتك : مصري
نقاط : 853
تاريخ التسجيل : 09/08/2009

مُساهمةموضوع: رد: الحلقة الاول فى الفصل الثانى من(قصة انسان)   الأربعاء مارس 10, 2010 2:40 pm

مرسي يا نودى على مجهودك الرائع
الرجوع الى أعلى الصفحة اذهب الى الأسفل
 
الحلقة الاول فى الفصل الثانى من(قصة انسان)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a3z-as7ab :: المنتدي العام :: منتدي منوعات-
انتقل الى: