a3z-as7ab

a3z-as7ab
 
الرئيسيةالبوابةاليوميةس .و .جالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» صور حرف M و S
السبت أكتوبر 13, 2012 9:45 am من طرف يارا يوكي

» نصائح للبنات عشان تخلي ولد يعجب بيكي
الأحد مايو 01, 2011 2:15 pm من طرف romita

» البوم صور حمادة هلال,احدث صور حماده هلال
الأحد مايو 01, 2011 2:10 pm من طرف romita

» السيره الذاتيه لحماده هلال
الأحد مايو 01, 2011 1:57 pm من طرف romita

» موال نادر لعاصي الحلاني
الأحد مايو 01, 2011 1:18 pm من طرف romita

» كلمات انجلش رقيقة
الأربعاء سبتمبر 22, 2010 10:44 pm من طرف aya el prensesa

» هل انت انسان مذهل ..مما اعجبني
الجمعة مايو 14, 2010 9:37 am من طرف sweet zizou

» هل البعيد عن العين بعيد عن القلب ؟
الجمعة مايو 14, 2010 9:36 am من طرف sweet zizou

» بانفـراد تامر حسني
الجمعة أبريل 23, 2010 4:38 am من طرف sweet zizou

أفضل 10 أعضاء في هذا المنتدى
sweet shimo
 
sweet zizou
 
ندى
 
Dalo3a றasrya
 
malak ro7y
 
ملاك النيل
 
meno coool
 
aya el prensesa
 
برنسيسه شقيه
 
lolocool
 

شاطر | 
 

 الحلقة الخامسة من الفصل التانى من (قصة انسان)

اذهب الى الأسفل 
كاتب الموضوعرسالة
ندى
مزيكاتي كوووول
مزيكاتي كوووول
avatar

انثى
عدد المساهمات : 564

تاريخ الميلاد : 08/04/1996
العمر : 22
العمل/الترفيه : عضوة فى اعز اصحاب
المزاج : مبسوطة
جنسيتك : مصريه
نقاط : 708
تاريخ التسجيل : 26/07/2009

مُساهمةموضوع: الحلقة الخامسة من الفصل التانى من (قصة انسان)   الأحد أبريل 04, 2010 12:10 pm

هاهي شيماء جالسة علي مكتبها .. مشغولة بتأدية عملها .. حتي دخل عليها شخص ما .. من نظرتها فهمت انه عميل جديد ...

" صباح الخير .. هو فين استاذ احمد لو سمحتي ؟؟ "

" اتفضل حضرتك .. هو زمانه جاى "

فجلس العميل ينتظره فى صمت فقالت شيماء وهى تنهض عن مقعدها ..
" تحب اجيب لحضرتك حاجة تشربها عقبال ما يجي ؟ "

فأجاب بلطف
" شكرا ليكى يا انسة "

فخرجت شيماء من المكتب فقابلت ادم

" ادم .. انا خلصت لك الورق اللي طلبته .. هاتلاقيه علي مكتبك "

" شكرا يا شيماء ..... "
فأكمل وعيناه معلقتان علي الشخص الجالس بالغرفة
" مين اللى قاعد جوه دا ؟؟ "

" ده عميل شكله جديد .. جه وسأل عن احمد ومستنيه "

ومع هذه الكلمات التى قالتها شيماء .. دار الصراع الداخلى بين ادم ونفسه
صراع يدفعه دفعا نحو الانتقام ما فعله احمد به ........

ابتسم ادم ابتسامة غامضة
" طيب هاتيلي معاكى نسكافيه من عم محمد وانت جاية .. دا بعد اذنك يعني ...... "
----------------

" اتفضل يا ابراهيم "

" شكرا يا طنط "
قالها ابراهيم وهو يأخذ كوب الشاي

كانت هذه الجلسة داخل غرفة المعيشة فى بيت ادم ..
وكان ابراهيم يجلس مع والد ادم ليتحدثا عن بعض الامور وتجهيز المنزل

قال ابراهيم باهتمام ..
" هو ادم ماله يا عمى ؟؟ "

همهم والد ادم وهو ينظر إلى الأرض قائلا
" مش عارف والله يابني ادم بقى ماله .. حالة مش عاجبني وطريقة حياته ومعاملاته .. حتى انت يا ابراهيم اعز اصدقائه اتغير معاك وبقي بيعاملك باسلوب مش كويس "

رشف ابراهيم بعض الشاي وهو يفكر بعمق ... ثم قال وهو يضع كوبه

" يا عمى ادم فى حاجة جواه كسراه .. و بيحاول يصلحها بس بطريقة غلط للأسف وهو مش حاسس بده "

-------------

تنظر شيماء الى ادم نظرة حائرة تملؤها الدهشة

" ايه اللى انت عملته ده يا ادم .. !!! انت هتكون زى احمد ولا ايه ؟؟ !!! "

" هو اللى بدأ يا شيماء .. يبقي يستحمل بقى .. "
قالها بنبرة فيها عدائية واضحة

" لا يا ادم انا بحس انك انسان كويس .. ومن جواك نضيف .. يبقي ليه تخلي نفسك زي حد انت شخصيا ما بتحبش سلوكه .. ليه يا ادم عايز تبقي اناني وماتحبش غير نفسك ؟؟ ... وانت يا ادم مش كده اصلا .. مش كده خالص "
قالتها شيماء بكل حماس وكأنها تصف وتدافع عن شخص اخر .. ليس هذا الذي يجلس امامها وفي عينيه نظرة لم تعهدها من قبل ...

لم يكد الحوار يكتمل حتي دخل من يقاطعهما .....

" شبااااب ازيكم ؟؟ "

ردت شيماء في صوت كئيب ..

" اهلا يا مدحت عامل ايه؟ "

فوجد مدحت أن شيماء ليس كعادتها المرحة الباسمة ..
" فى ايه يا بنت .. مالك ؟؟ "

" لالا مفيش بس مخنوقة شوية "

" مخنوقة ! .. ازاى بقي ؟؟ ولا انتي عاوزة تزوغي من خروجة النهاردة اللي اتفقنا عليها ؟؟ "

" ما تيجي معانا يا ادم .."
قالتها شيماء في محاولة لتغيير الحالة

" اه يا ادوم هنروح السينما وهنقضى يوم جامد .. "

" سينما ايه يا مدحت والله انت فايق اوى "
قالها ادم وهو غير مهتم بالحديث

فرد عليه مدحت بثقة
" يا بنى انت يلزمك بس خروجة واحدة من خروجاتى .. وهاتلاقيك واحد تاني "

وكأن ادم قالها في نفسه
" وليه لأ ؟؟ "


خرج الثلاثة من المكتب ذاهبين الى السينما .. وكانت هذه اول مرة يخرج ادم في نزهة من نوع مختلف

فنزل ثلاثتهم إلي وسط المدينة وكان فى انتظارهم بعض اصدقاء مدحت وهم ..
مى وشريف و سحر

فقال مدحت
" اعرفكم ببعض يا جماعة .. ادم ابن خالتى .. وشمياء زميلته فى الشغل وهتنضم للشلة بتاعتنا "
ثم اكمل
" ودول بقى سحر وشريف ومى صحابي من الجامعة "

" اهلا "
تبادلها الجميع مع الابتسام

" صحيح يا ادم دى مى اللى قلتلك عليها فاكرها اللى دحيحة زيك .. "

" اهلا يا مى "

" اهلا "
...
انا مى فى تالتة تجارة .. بطلع في ترتيب الدفعة دايما الحمد لله ..
عايشه حياتى زى مانا عايزة ..
بحب الهزار والناس الرايقة مش الناس الكئيبة زى ....
ما علينا .. مش هطول بقى
علشان مدحت بيقولى انجزى
" اهلا يا ..يا ادم ازيك "

رد ادم في غير اهتمام ..
" اهلا يا مى"

" ايه يا جدعان الفيلم كده هايبدأ واحنا هنا مقضينها سلامات وبتاع .. يلا ندخل بقى "
كان هذا مدحت يستعجل الجميع لانه يريد ان يتابع الفيلم من بدايته

فقالت شيماء
" هاندخل فيلم ايه يا مدحت ؟؟ "

" انا هدخلكم حتة فيلم انما ايه .. جااامد "
-----------------

قام والد ادم من مقعده وهو يقول
" الحمد لله .. تسلم ايدك يا مني "

" ايه يا بابا انت كلت علشان تقوم ؟؟ "
" كلت والله انتى مش شايفة بطنى خلاص هاتفرقع اهي .. وبعدين تعالى هنا انتى سايبة ابراهيم مابياكلش وجاى تتشطري عليا "

رد ابراهيم مبتسما
" ياعمى ماباكلش ايه ..انا خلاااااص مبقاش فى حتة فاضية خلاص "

وعلى انغام هذه الكلمات السعيدة فتح ادم الباب ليجد الجميع جالسين حول مائدة الطعام

" السلام عليكم "

فرد الجميع
" وعليكم السلام "

ثم قال والده
ايه اللي اخرك يا ادم .. كنا مستنيينك يابني عشان ناكل كلنا "

" لا انا كلت برة يا بابا ... انا داخل اريح شوية "
قالها وهو يتوجه لغرفته

ناداه ابراهيم
" ايه ياادم مش عاوز تسلم عليا ولا ايه ؟؟ "

فنظر ادم اليه قائلا
" ايه ده انت هنا يا ابراهيم ... ازيك عامل ايه؟ "

تعجب ابراهيم من كلام ادم وتعجب الجميع

" فى ايه يا ادم ؟؟ مالك ؟؟ "

" لا مفيش بس تعبان شوية ... انا داخل اريح يعد اذنكم "


" لا حول ولا قوة الا بالله "
خرجت هذه الكلمات من والدته في اسي علي حال ابنها
ثم قالت
" لا الواد ده لازم يتعلم الادب من جديد .. ولا انت شايف ايه يا حج "

" سيبيه يا ام ادم .. انا هتفاهم معاه .... لازم اتكلم معاه "

-------------------

جلس ادم على مكتبه ينظر إلى حاسوبه ...
ثم وجد احمد يدخل عليه ...
" ادم "

فنظر اليه ادم فوجده يرفع فى وجهه مسدسا
" انت لازم تموت يا ادم ... لازم ...لازم
الرجوع الى أعلى الصفحة اذهب الى الأسفل
sweet zizou
مزيكاتي كوووول
مزيكاتي كوووول
avatar

ذكر
عدد المساهمات : 590

تاريخ الميلاد : 22/07/1992
العمر : 25
العمل/الترفيه : مش فاضي خالص
المزاج : مشغول بسبب الدراسة
جنسيتك : مصري
نقاط : 853
تاريخ التسجيل : 09/08/2009

مُساهمةموضوع: رد: الحلقة الخامسة من الفصل التانى من (قصة انسان)   الخميس أبريل 08, 2010 9:18 am

مرسي على مجهودك يا قمورة
الرجوع الى أعلى الصفحة اذهب الى الأسفل
ندى
مزيكاتي كوووول
مزيكاتي كوووول
avatar

انثى
عدد المساهمات : 564

تاريخ الميلاد : 08/04/1996
العمر : 22
العمل/الترفيه : عضوة فى اعز اصحاب
المزاج : مبسوطة
جنسيتك : مصريه
نقاط : 708
تاريخ التسجيل : 26/07/2009

مُساهمةموضوع: رد: الحلقة الخامسة من الفصل التانى من (قصة انسان)   الخميس أبريل 08, 2010 9:52 am

ميرسى ليك انت على مرورك وردك الجميل
الرجوع الى أعلى الصفحة اذهب الى الأسفل
sweet shimo
مشرف
مشرف
avatar

انثى
عدد المساهمات : 1065

تاريخ الميلاد : 12/04/1994
العمر : 24
الموقع : في بيتنا
العمل/الترفيه : سماع أغاني تامر حسني
المزاج : كوووووووول
جنسيتك : مصريه
لونك المفضل : زهري
مطربك المفضل : تامر حسني
شرابك المفضل : بيبسي
نقاط : 1391
تاريخ التسجيل : 22/01/2009

مُساهمةموضوع: رد: الحلقة الخامسة من الفصل التانى من (قصة انسان)   السبت أبريل 10, 2010 3:28 pm

شكله كده بيحلم

ثااانكي ليكي واستمري يا جميل
الرجوع الى أعلى الصفحة اذهب الى الأسفل
ندى
مزيكاتي كوووول
مزيكاتي كوووول
avatar

انثى
عدد المساهمات : 564

تاريخ الميلاد : 08/04/1996
العمر : 22
العمل/الترفيه : عضوة فى اعز اصحاب
المزاج : مبسوطة
جنسيتك : مصريه
نقاط : 708
تاريخ التسجيل : 26/07/2009

مُساهمةموضوع: رد: الحلقة الخامسة من الفصل التانى من (قصة انسان)   الأحد أبريل 11, 2010 11:54 am

انا قلت كدة برضه بس لسة الحلقة منزلتش وانا زيك عايزة اعرف ايه اللى هيحصل
الرجوع الى أعلى الصفحة اذهب الى الأسفل
 
الحلقة الخامسة من الفصل التانى من (قصة انسان)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a3z-as7ab :: المنتدي العام :: منتدي منوعات-
انتقل الى: